Esther宣布了《五味人生》是她的小別之作，暫時不會再接拍劇集，其實年前她拍《同事三分親》時以為拍攝時間穩定可以照顧女兒，結果一次小意外令她急急放低工作。她說：「有次準備去開工，點知個女仆親流血，但我又夠鐘要走，嗰陣真係好內疚，我竟然喺佢最需要我留喺身邊時走咗。」經此一役，Esther知道不能放低女兒不顧，幸得高層曾勵珍明白可提前讓她離開劇組。往後一段時間Esther心情忐忑，以為自此無緣再拍無綫劇，豈料女兒開學，生活穩定下來，無綫又有好劇本找她，於是重操故業。

關詠荷暫別娛圈，在家做好媽咪呢份工。	張家輝去年大豐收，連擸多個獎，令關詠荷心癢癢。（資料圖片）	關詠荷有女萬事足，現正努力和家輝追個仔。（資料圖片）

準備生第二胎

不過今次暫別，Esther真的有一段時間不會拍劇，除了為準備再生B外，還是為了女兒，她說：「佢學校好多活動，又要求家長參與多啲。（家輝攞咁多獎冇令你心癢？）哈哈……佢攞埋我份囉，其實係有嘅，見佢咁自己都有一刻起咗團火㗎，想知攞獎滋味，不過好快熄咗，因為真係要畀時間耕耘，冇貢獻冇獎係無可厚非。」

事實上Esther九七年已是無綫「視后」前身「最佳劇中女主角演繹獎」的得主，所以刻下她正追尋的不是事業而是「小天使」。

文：影視組

服裝：GUESS