陳偉霆（William）與鍾舒漫（Sherman）昨日以懷舊造型出席公開活動，兩人在大樂隊伴奏下大跳高難度社交舞，William更將Sherman一手抱起擺甫士，贏得全場掌聲，兩人坦言排練時間相當短，全靠多年來的默契配合。
William大讚商場的布置充滿舊上海風貌，他說：「我上次去上海參加《舞林大會》，見到個個上海女仔都好體貼同溫柔，希望新年攞到假去上海玩啦，（陪Angelababy過年？）佢應該都喺上海過節，如果有機會都會約佢見面。（去佢老家拜年？）應該唔會喇，因為佢上海班親戚我冇見過！」另外，Sherman為TVB節目擔任嘉賓主持，她坦言擔心經常NG阻住工作人員收工。」她透露新年將到台灣旅行。