日前Rabee單獨出現在銅鑼灣Decro Collection傢俬店，於店內徘徊，而Tim相隔約五分鐘才出現，一見女友就即上前熱吻一番，繼而齊齊睇傢俬。二人首先走去看梳化，Rabee當看到一套黑色的兩座位床形梳化時，不時問店員詳情，繼而與Tim躺下試用，Tim坐到不願離開，Rabee惟有伸手拉起男友，二人打情罵俏一番。

Tim坐梳化床唔願起身，楊洛婷拉他一把。	兩人試大床，親身感受舒適度。	兩人對餅店內的結婚蛋糕細研一番。

之後走到二樓睇大床，Rabee與Tim坐下試床，又挨又瞓，親身感受舒適度，二人欲離開之際，Tim突然拿起梳化上的Cushion掟向Rabee，來不及反應的Rabee無端端中「頭獎」，但她不怒反笑。

搬屋開派對

二人之後轉移到天后一間餅店，甫入內即指着一個多層高的結婚蛋糕向店員查詢，後來又被款式眾多的Cupcake吸引，還買了一盒才離去。之後又手拖手到Godiva買朱古力，二人齊齊試食兼互餵，最後由Tim埋單，買了兩大袋朱古力，兩人的連番活動，就如籌備結婚的戀人，不知是否好事近。

後來記者致電Rabee，她解釋：「我最近搬屋，男友陪我一齊睇畀吓意見。（見你哋睇結婚蛋糕？）見到靚，所以睇下之嘛，都冇買。我主要係想買Cupcake，因為搬新屋會開Party，諗住到時買嚟慶祝。（幾時結婚？）到時話你知。」

文：名人組