曾志偉昨日在呂慧儀及張嘉兒陪同下出席活動，現場展出不少志偉的獎座，包括由國家民政部頒贈的「孺子牛獎」，表揚他對慈善的貢獻。志偉坦言入行以來得獎無數，家中沒有地方，部分獎座已經棄掉，直言因搬公司連金像獎和金馬獎獎座都已遺失，笑說獎得過就算。
近來忙於電影《72家租客》的志偉表示扭傷了，問是否因宣傳重任落在他身上，而太攰所致，志偉說：「我同阿倫講真係好蝕，宣傳時間仲多過拍戲，從影以嚟未試過做咁多宣傳，今次無辦法，自己孭飛，我唔做邊個做，好多人睇我頭。」至於張學友會否出席首映，志偉說：「學友梗係嚟，佢分得清楚電影同音樂人嘅身份。」同場的呂慧儀透露戲中奉旨行性感。
