【倪小珊澳門直擊】李玟（CoCo）、傅穎（Theresa）、張繼聰及Mr.等前晚現身澳門出席「十六浦米高積遜珍品廊」開幕，CoCo與「全英一叮」的13歲成名者Shaheen Jafargholi合唱米高積遜名曲。問CoCo跟未婚夫的婚禮籌備如何？她說：「我三月廿七日會喺台灣開個唱，之後做世界巡迴騷，我會喺個唱上宣布婚期，但唔知邊場，場場都嚟睇啦！」
鍾意小籠包
Theresa穿一襲低V連身裙罕有谷胸示人，她坦言：「我好有技巧咁黐晒膠紙！（考慮真空？）有諗過㗎，但又怕太暴露！（戴缽仔糕？）我驚托咗會肥，唔需要喇，我係適中！（鍾意小籠包size？）係呀，夠喇，太大唔啱我！」
有此一著
Theresa前晚身穿一襲綠色BCBG低V連身裙現身公開活動，並罕有地谷胸上陣，性感誘人。Theresa配襯一條長耳環，即時增添幾分女性媚態，而手上則戴了從日本購買的彩色珍珠手鈪，令整體看上去更加嫵媚。