張學友早十年前已建議統一樂壇頒獎禮，對於港台重提研究，學友昨日到新城宣傳新碟時大力贊成，認為是一件好事，能給樂迷平衡準則，讓歌手有清晰目標，他說：「頒獎禮認受性又高啲，競爭激烈能引起大家興趣，希望成事啦。」
學友認為香港樂壇變得如此不景氣，歌手跟唱片公司都有責任，要消費者尊重音樂，就要畀心機做好唱片，正如電視台若以樂壇健康為出發點，就要學識尊重音樂節目，不可亂剪亂刪歌曲，當然公民教育也不能忽視，學友說：「香港係大都會，點解唔畀錢就攞人啲歌？呢個習慣係好肉酸，要有正確嘅教育。」
不過新城知訊台台長（音樂及娛樂）朱明銳就跟學友大唱反調，在學友面前炮轟港台「扮大佬搞挑釁」，他說：「新城絕對唔支持，絕對唔使傾，作為公營機構咁樣提出對商業機構係唔公道。」至於四台聯頒則有待大家再傾。港台金曲監製馮偉棠對新城炮轟，反問：「唔公平喺邊呢？呢個係終極意願，港台一定會主動搵佢哋傾。」