廖碧兒昨穿上短裙與黎耀祥、馬國明及米雪等出席中藥品牌頒獎禮，對於有指其緋聞男友陳豪與阿佘撻着，碧兒說：「有聽過，因有人問過，當係娛樂啦，我又唔喺度（拍劇），總之大家開開心心，我爹哋亦冇搵過人傾偈，（由得佢哋兩個一齊？）冇所謂，我同陳豪不嬲都係朋友，（睇實男友？）冇男友點睇呀！我呢排見黎耀祥班《72家租客》同事多過其他同事，連狗仔都冇時間睇呀！」原來在碧兒心目中，陳豪還不及狗仔重要。

有傳陳豪以咖啡攻勢與佘詩曼撻着。（資料圖片）	廖碧兒被追問陳豪與佘詩曼的緋聞時，明顯有點心神恍惚。	黎耀祥無懼負刑責，早前在內地代言感冒茶。

應該男仔氹女仔

問到可覺陳豪的咖啡攻勢強勁？廖碧兒淡淡的說：「唔知，公司好多人都飲過，佢買咗名貴嘅咖啡豆會整好多返公司畀人飲，（呷醋？）唔會，我自己整蛋糕畀好多同事食，看更都有份食。」

廖碧兒以哨牙look與學友及志偉拍攝新片。

廖碧兒與馬國明齊齊出席中藥品牌頒獎禮。

其實前晚碧兒出席恭賀王仁曼獲芭蕾舞界最高榮譽活動時，被問到情人節會否送禮物給陳豪時，她還甜笑謂應該男仔氹女仔，且送禮物不一定要情人節，日日都可以送，但收得最多的是爹哋而不是陳豪，對於有說阿佘與陳豪撻着，她說：「係真嘅會替佢哋開心。」

唔認被廖父審問

陳豪昨日亦透過電話回應與阿佘拍拖之傳聞，他表示：「得啖笑，（話廖碧兒爸爸審問過你喎？）只係喺街上面撞到，大家say過hello啫，（請阿佘飲㗎啡？）我成日都請人飲，人人有份，我依然係以前嘅阿Mo（陳豪Moses暱稱）。」至於與阿佘現在的關係，陳豪只簡單地說：「同事。」

文：影視組