吳卓羲、汪琳、姚嘉妮和陳曼娜等昨日在荃灣楊屋道為新劇《團圓》開工，劇情講述汪琳哭着臉向卓羲和陳曼娜訴苦，汪琳要借助眼藥水催淚，之後她解釋：「結婚後生活太開心，真係喊唔出。」
現場所見，吳卓羲最受師奶粉絲歡迎，不停被邀合照。他透露今年預計會有兩部劇集推出，問到有否信心攞視帝？他即耍手擰頭說：「我唔要，好大壓力，想先做好本分，等大家覺得我係時候攞獎會好啲，依家朝住『最喜愛角色』為目標。」
林峯早前奪《勁歌》「亞太最受歡迎男歌星」備受爭議，吳卓羲力撐對方：「其實阿峯好努力，佢演唱會咁成功。（會唔會太快？）娛樂圈係咁，如果太慢好容易畀人爬上嚟，總之公司畀機會就要去。（阿峯有冇同你呻壓力大？）好朋友唔使講太多，但人冇壓力就唔會成長。」