樂壇頒獎禮進入衝刺階段，但Mr.仍未放慢腳步，除密密做宣傳，還積極為三月的首個紅館演唱會練歌及開會，雖然期表幾乎全滿，但向來愛錫歌迷的Mr.仍不忘和歌迷搞聚會。

感冒菌入腸

當日，成員MJ因感冒菌入腸不適到醫院求診，但甫出院即堅持出席聚會，他說：「因為約咗好耐，難得同佢哋咁近距離一齊玩，覺得點都要去！」五子與歌迷打成一片，齊齊玩遊戲及傾偈，歌迷們亦識做地向「一月之星」的Dash及MJ送上私家車及鬼太郎的立體生日蛋糕。

最愛鬼太郎

對歌迷突如其來的驚喜，Dash和MJ顯得相當感動，Dash謂：「佢哋真係好錫我哋，知我鍾意車，特登送個車形蛋糕畀我，真係好開心、好難忘！」MJ亦相當興奮，更直言歌迷的熱情令他藥到病除：「我好鍾意鬼太郎公仔，所以佢哋特登送呢款蛋糕畀我，好得意，我都係第一次收鬼太郎蛋糕！雖然仲有唔舒服，但見到啲歌迷咁支持我，真係人都精神晒，哈哈！」

文：音樂組