校長難忘初識Greg的經過，他說：「我第一次見呢個後生仔就係喺球場，嗰時佢話最大嘅夢想就係加入明星足球隊，咁舊年畀佢試吓腳，我見佢都幾勤力又肯追波，雖然球技仲有好大進步空間，但勝在有熱誠。」早前校長跟Greg合作拍攝電影《財神到》，大讚對方夠醒目，更封他為「金城武與黃曉明混合體」。校長表示：「佢做人幾虛心，亦都算係幾聽教聽話。最重要佢身上有三種特質：既係金城武同黃曉明嘅混合體，亦都有譚詠麟嘅智勇雙全。（安排合唱？）呢啲慢慢一步步嚟！」

Greg是黃伊汶（左）的師弟，今年將受公司力捧。（資料圖片）

足球成為校長與王宗堯的共同話題。

期望球場上合作

作為藝能2010年重點新人的Greg謙虛地說：「我仲有好多嘢想跟校長學，好記得早排一齊去睇東亞運足球決賽，校長對球賽分析得好準確，佢話香港隊唔使十分鐘就會追得番，結果三分鐘就應驗，我好想學佢嘅分析力，好期望合作，唔單止唱歌仲有做人處世，亦都好想同佢合作同場踢波，所以好想佢隻腳盡快康復。」

校長又借香港足球隊奪金的故事勉勵Greg說：「以前嘅香港隊好騰雞，呢場就打得好好，最重要係成隊波都咁有heart！」

文：影視組