實力派男歌手陳柏宇，在今年樂壇頒獎禮成績不俗，憑歌曲《你瞞我瞞》獲得不少獎項，可喜可賀。去年Jason在出席活動獻唱該曲時，因被指邊唱邊「動L」，片段還熱爆YouTube，惹起廣泛討論，雖然Jason否認唱到「動L」，但事件無疑帶挈他人氣急升。事隔大半年，問到今年會否再獻新猷？Jason笑稱：「唔知喎，試吓『動』頭髮啦，或者炮製『動L加強版』，唔着內褲同唔拉褲鏈囉。（你得？）梗係唔得啦，我要着內褲，因為怕夾親。」

冇攞獎命

Jason在頒獎禮成績不俗，令他驚喜萬分，但他自嘲原來「冇乜攞獎命」，他說：「我成日覺得攞獎好渺茫，我冇攞獎命，但獎項係一個鼓勵，開心嘅，而且攞獎唔係單靠一人努力，背後有好多人都有付出。（點報答同事？）平時對佢哋好啲，大時大節會買禮物畀佢哋。」

聽話歌手

剛推出新碟《Can't be half》的Jason，新歌《拍一半拖》反應不俗，而Jason每次出碟，例必有熱爆歌曲，問到是否感到壓力？他說：「咁又冇乜壓力，我唔係揀歌嗰個，只係負責唱好啲歌。」

四大唱片公司與無綫的版稅糾紛，擾攘多時，至今仍未平息，身為「四大」歌手，Jason亦無奈說：「冇辦法，亦冇乜睇法，我唔會特登去諗，我又幫唔到手，又改變唔到事實，總之公司叫我點就點，我係聽話歌手。」

文：專案組