Zoey去年與台灣音樂才子陶喆傳緋聞，惹來連串是非。Zoey表示要改名轉運，她說：「我同媽咪間中都會搵師傅睇相，畀意見着咩色衫有利自己。我仲打算今年改名，連成龍都改啦，覺得改名有助星途。」

性交轉運 不合邏輯

早前有o靚模誤墮茅山師傅的性交轉運陷阱，Zoey直指對方好蠢：「佢好蠢，冇理由以身相許都信，根本唔合邏輯！唔通真係鬼上身咩？」她又稱會小心選擇相士：「搵啲信得過嘅朋友介紹，出嚟社會做事，一定要有獨立思考能力。」

健康性感 殺出血路

新一年，Zoey希望可以愛情事業兩得意。直言與陶喆少聯絡的她，希望在虎年有拖拍：「都想搵個男朋友，希望對方思想成熟過我，年紀大啲都冇所謂。」工作方面，Zoey亦有新發展，她將與另一位新人合組成為歌手，她說：「覺得市場少咗呢類女子組合，希望可以殺出新血路。已經同對方見過面，覺得佢好識唱歌同靚女。我哋會以快歌為主，我唔介意少少性感，但一定要健康囉。」

文：專案組　攝：吳文聰　服裝及場地：Arrogant Cat