本文重點
歌影視三棲女藝人徐子珊最近人氣急升，隨即傳出被富商垂青並入住豪宅貝沙灣。子珊日前出席活動時已斷然否認，強調不認識該富豪，並怒斥有關報道失實，浪費了她過往的努力。身為該富豪好友的英皇老闆楊受成，昨日出席相識十多年好友陳鼎禮與張敬軒的上契宴會，被追問有關子珊與富豪傳出的緋聞，他說：「我都有睇個報道，我同個富豪好熟，大家係好朋友。我覺得單新聞唔好信亦唔可信。」
娛圈多是非八卦
楊受成表示相信子珊的回應，他說：「第一，如果徐子珊係識佢的話，相信佢唔會豎起三隻手指對住電視機發誓，如果佢要講可以就咁話『唔識佢、唔識呢個人、從來未見過、我清者自清或都唔需要解釋』，冇必要豎起三隻手指發誓。」娛樂圈是非特別多，問到楊受成相關新聞是否空穴來風，他續說：「坦白講圈中多是非、好八卦。徐子珊又靚女，人又紅，梗係多呢啲嘢啦，冇得避，我信徐子珊。（富豪做生意出名，所以多人寫？）係囉。」
對於獲楊受成讚賞，子珊說：「好多謝楊生讚賞，唔敢講自己紅，可能近排頒獎禮多咗曝光，我會繼續努力工作，做好自己。」
文：影視組