吳君如與黃百鳴在新戲《花田囍事2010》中有激咀場面，君如更錫至青筋盡現！君如事後更笑言接到劇本時即時心內涼了一截：「原本諗住係咁易借位就算，點知導演話一定要拍Close Up，所以最後我都鼓起勇氣咀落去！」至於黃百鳴亦訴苦指獻出銀幕初吻亦犧牲甚多：「我內心都掙扎過㗎，拍嘅時候仲要畀君如拳打腳踢，根本唔係大家諗得咁盞。」
至於有份參演該片的鄭中基，則是君如與百鳴激烈一幕的目擊者，不用犧牲色相的他竟還抵死地指不用被君如咀是執番身彩，認真大膽，中基笑言：「Roll機前君如已經落咗Order，叫我唔好整古做怪，仲話如果因為我搞到NG要重拍，就一定唔會放過我，所以我無論幾想笑都要死忍。」
