本文重點
身為《老》劇男女主角的鍾嘉欣、馬浚偉和鄭則士，昨日異口同聲支持公司的追究行動，嘉欣更認為創作並非難事，她說：「我諗應該唔會抄，其實咁多劇，點都會有啲似，之前話一啲拍拖戲又話抄，依家又話抄，其實要創作都唔係難吖！（拍劇咁耐會留意埋劇本嗎？）唔會啦，我哋開工已經好大壓力，仲理埋幕後太辛苦，只要做好自己角色就夠！」
至於馬浚偉則透露為抄襲報道已跟無綫通過電話，亦為此而很不開心，他說：「污衊咗創作同事嘅精神，希望傳媒唔好斷章取義，仲話我哋抄到同名兼同內容？我夠想講日本有套好出名電影叫《老友狗狗》啦，又唔話我哋抄佢？我哋套劇原本個名係叫《好狗出更》添啦！所以我好支持公司今次行動，珍姐做製作咁多年，遇到呢啲事梗係震怒啦！」
張文慈戥亞視可惜
相反當年已為亞視行將開拍《老》劇的張文慈，昨日則表示《老》劇最後無拍的確可惜，她說：「我都有去咗練狗場幾次，嗰度好遠，不過最後都開唔成，可惜都冇辦法，我睇得好開嘅，（無綫《老》劇邊個角色係你演呢？）鍾嘉欣嗰個，但我個角色就冇佢咁男仔頭！」