每期Gag神都會出IQ題考考一班年輕歌手，今次找來型男周柏豪、男新人周子揚同美少女傅穎測一測他們嘅智慧，平時爛Gag掛在嘴邊的柏豪出乎意料敗給新人周子揚，雖然兩人很快就答出答案，但時間上周子揚畀柏豪快，今Round周子揚以兩秒險勝師兄，傅穎就要出晒貓四處搵人求證。
題目：乜嘢動物識玩桌球？
周子揚唔只唱得，演技亦一流，因為佢一早知道答案，只係作狀思考，問到是否玩過題目？他坦白說：「冇玩過，但喺網上睇過類似題目，所以有印象。哈哈，條題目都OK爛！」隨即以專家口脗說：「啲答案嚟嚟去去都係食個音。」
周柏豪充滿自信答出「麻雀」及「麻鷹」，記者表示猜中一個字，柏豪想了近分鐘才答：「係咪英式桌球？（點解？）麻鷹識打桌球囉，唔啱呀？」成功答中的柏豪笑說：「其實都幾爛。」
傅穎聽到問題即皺眉頭，最後要助手通水，問到是否很少玩IQ題？傅穎表示：「唔多玩，因為我慢半拍。（經常畀人取笑？）都係o架，所以冇乜人會考我，因為我用嘅時間比較長，搞到啲人冇晒耐性。」
答案：英（鷹）式（識）桌球