樣子甜美的林司敏（CiWi）原籍北京，小學三年級時，因父親工作關係移居香港，過慣白色冬季的CiWi，反而覺得香港更凍，她說：「喺北京出入有暖氣，所以其實香港更凍。」

CiWi透露已有三年多沒回鄉探望嫲嫲、姑姑等親人，正計劃下月農曆新年與家人齊齊度歲，CiWi笑言除家人外，最懷念就是北京的美食：「冬天時候會有好特別嘅『冰糖』食，其實係用麥芽糖做，靠天氣凍喺佢未凝結前好似寫毛筆咁畫隻鹿仔形嘅公仔；仲有羊肉串，係香港串燒嘅兩倍，仲好平添！」

放大圖片	放大圖片	放大圖片
放大圖片

入廚話咁易

擁有無瑕肌膚的CiWi原來系出「廚」門，煮得一手好菜，CiWi表示：「媽咪係客家人，煮嘢好好味，我都有偷師o架！」問到CiWi首本名「菜」，她就謙虛地說：「普通煲湯小菜都冇問題嘅，起碼唔會餓死先！」精通客家話的CiWi說普通話時又會否滲着北京腔？她說：「普通話可以啦！都唔會係好捲脷嗰種，因為北京都有分市區同冇咁市區嘅腔口。」

想學江若琳

即將殺入樂壇，CiWi感謝師姐江若琳（Elanne）過招，而Elanne的成績更成為她的推動力，她稱：「依家積極準備，希望可以好似師姐一樣開自己嘅演唱會，除咗唱歌、跳舞，平日我哋都成日傾偈，女仔唔係講扮靚就係講愛情啦！」

文：音樂組