宣萱、關心妍昨日帶同愛犬出席「人狗同樂百萬行」活動，宣萱與外籍獸醫男友首次出席公開活動，並大方合照。問愛狗之人宣萱有否與男友一起放狗？她即甜絲絲說：「佢係貓人，我兩隻新成員狗女都鍾意佢多過鍾意我。（點解？）異性相吸啩！佢又成日餵嘢食畀啲狗，狗好易賄賂。（高調公開戀情唔怕畀『狗仔隊』追？）我冇嘢唔見得光，唔介意公開，佢都唔怕、做足心理準備，佢見到記者都笑得好好，我哋同同事食飯，佢仲受歡迎過我，三哥佢哋都見過佢，個個叫佢做碧咸。」
而關心妍透露：「我同老公都想領養狗仔，想湊掂狗先湊Ｂ，不過我哋雙方阿媽都反對。（你唔諗住生Ｂ？）一定會生，不過要兩年後，想生兩個小朋友。」
