環球新人麥家瑜在剛過去的新城頒獎禮上榮獲「新登場女歌手」，為歌唱事業打下一支強心針，她說：「除咗『新登場女歌手』呢個獎外，之前喺網站選舉亦攞咗個新人獎，對我嚟講已經係好大鼓勵，原來真係有人欣賞我嘅音樂，都有諗定上台要多謝邊個。」問她是否信心十足？麥家瑜謙虛地說：「八分信心啦，今年出咗首張個人專輯，自己都好滿意成績，覺得好幸運，有好多有經驗嘅音樂人幫我，朋友嘅反應都係讚，所以幾有信心。」
不過她對頒獎禮確有點緊張，幸得公司前輩鼓勵：「佢哋叫我當係去派對嘅心態就得，有獎就有禮物，冇獎就當係個難忘嘅派對，我覺得成班新人好似同學仔咁，每個人有唔同崗位，男新人我睇好周子揚，佢真係好有Heart㗎！」
