馬仔與金剛早前到鴨寮街為TVB8節目拍外景，介紹深水埗區特色，原來馬仔在該區長大，故重遊舊地感觸良多：「見番好多舖頭老闆仲都係以前見慣見熟，好有親切感，但大家都年長咗囉，不過呢度畀我感覺年輕咗，好有朝氣，因為多咗後生仔嚟買手機，唔似以前清一色麻甩佬。」期間馬仔還去食蛇，但他堅拒不肯將蛇捉上手，馬仔解釋：「我唔係怕蛇，我一生人只係怕曱甴啫，但老闆話有啲蛇好毒，都係唔好亂嚟。」

馬仔與金剛早前到鴨寮街拍外景，期間二人更去食蛇。	馬浚偉重遊成長的地方，令他感觸良多。	興奮的馬仔忍不住不停影相。

睇書學中文

此外，馬仔因主持飲食節目《大廚出馬》，訪問名廚之餘還會親自下廚，為此近日頻頻練廚藝，他說：「其實我向來煮得唔錯o架，陳法拉都試過我手勢，我希望退休後可以開間私房菜，賺少少錢唔做大廚做個『小廚』都好吖。」

除了入廚房，馬仔更要入書房狂「咪書」，他說：「因為之前上《正識第一》入咗總決賽，所以要睇好多書學中文，唔止睇書，仲要睇埋光碟學發音，依家感覺好似考試咁，輸唔緊要，始終唔好太丟架，真係有番考會考嘅感覺。」

文：影視組