Vangie自和唱片公司滿約，加上聲帶出現問題，令其唱歌事業停滯不前，但經過三個月的「休聲期」後，在她的聲帶已逐漸康復的同時，Vangie覺得是時間「豁出去」，計劃以全新形象再戰樂壇。

行性感無問題

日前她出席新城的「灣仔溫馨家庭盆菜宴」時，身穿真空露背裝，為其行性感路線作熱身的Vangie說：「我希望做『港版Lady GaGa』，要我性感、出位唔係問題，做藝人要咁先有話題，我覺得自己唱得唔係最好，亦唔係最差，但做中庸者唔會有突破，唔會有人留意。」為自我改造為「港版Lady GaGa」，Vangie表示要積極keep fit，否則穿上性感裝束時，只會自暴其短。

撐偶像單性別

問到她有傳Lady GaGa是「雌雄同體」？Vangie就為偶像反平：「我覺得佢唔係囉，可能係製造話題，或者有人造謠啫。」她覺得Lady GaGa是敢作敢為的人，如果是「雌雄同體」，相信偶像一定會公開承認，正如她也坦言是同性戀者。

同場出席的歌手還有麥家瑜（Keeva），雖然她現時只得91磅，但仍嚷着要減肥：「因為我上鏡塊面好肥。」問她可會試打Botox瘦面？Keeva就話怕怕，寧願勤用瘦面棒及減肥膏，不過如有瘦面公司搵她做代言人，她一定會飯應。

採訪：音樂組