自小「電視撈飯」的Candy一直希望在電視台工作，去年參加香港小姐奪得最上鏡小姐獎項，令她順利加入無綫工作，近期更有機會擔任主持工作，令她大感興奮：「我細個已經鍾意對住部電視，嗰陣時已經想大個入呢一行，所以中學同大學都專登搵有關電視嘅科目嚟讀。」她希望自己的節目可影響觀眾，娛樂大家。

教路選港姐

Candy入行前曾為陳可辛擔任助手，所以與吳君如一早已認識，更被對方提名參選港姐，但Candy表示跟君如的關係不如外界想像般親密：「參選期間雖然我都有同君如傾電話，佢又畀意見我，教我點樣面對鏡頭，不過我唔係咩事都會搵佢，因為唔想成日煩住佢，我哋唔係大家所諗關係咁close！」

同囡囡最熟

Candy直言不想被指借君如上位，而私底下她反而是與君如的愛女最熟，她笑說：「陳可辛會喺公司放啲大型煮飯仔玩具，我每次嚟公司一定會同佢囡囡玩煮飯仔，佢好得意，成日煮腸仔同煎蛋畀我食，氹得我鬼咁開心。」

文：專案組

攝：沈健程

服裝：Guess

化妝：Midco Chu

髮型：Hair@Lee Theatre

飾物：J'Cole