「一吻定情」的緋聞男女貝安琪（Ankie）及尹子維昨出席活動，談到情人節將至，Ankie被問可收到尹子維約會邀請，她着記者直接問男方，不過尹子維斷言Say No。
早前被拍得在派對中親密咀嘴的Ankie及尹子維，昨日聯同黃婉佩等人出席手機活動，一對緋聞情人表現大方，但當記者問到情人節會否約會時，卻未見「心連心」。
恨探媽咪
今年情人節撞正農曆大年初一，Ankie被問到有否收到尹子維約會，她笑言：「你哋問佢啦，佢喺度，我依家單身，做嘢緊要啲，（恨拍拖？）唔使喇，做嘢先。」原來情人節時Ankie已身在德國柏林，出席柏林影展，且會斟拍新電影。另邊廂，尹子維被問到可準備在情人節約會Ankie時竟愕然表示：「No！我應該唔喺香港，會去北京工作，未知幾時返，反而可惜今年返唔到美國探媽咪（胡燕妮），希望三、四月可以返去探佢啦。」
手機傳情
雖然尹子維答得決絕，但其實二人私下不時聯絡，談到對手機的要求，Ankie謂最緊要可收發電郵，可讓她隨時與朋友聯繫，記者再問尹子維時，他亦同樣注重手機的收發電郵功能，問到有否與Ankie通電郵，尹子維說：「你哋問得咁奇怪嘅，係朋友都會，當然仲有通電話、短訊。」
文：影視組