陳寶珠近年醉心舞台演出，舞台劇、音樂劇、粵曲全都難不到她，最近更踏入紅館唱粵劇折子戲。以往在新光戲院只面對一千人，但紅館可容納七千觀眾，寶珠坦言壓力不少：「2003年張耀榮已經叫我去紅館做大戲，但我自己未準備好，覺得未係時候，但呢幾年做多幾套舞台劇後信心大咗，但都要求只可以做折子戲，等新觀眾容易接受，話晒一場七千人，睇粵劇嘅觀眾層面唔多。」

堅持每日晨運

寶珠向來注重健康，堅持每早到公園緩步跑及倒後行訓練腰力，故她對體力不太擔心，反而最着緊服裝，她表示：「依家個台咁大，以往嘅大戲衫唔夠閃，所以專登搵奚仲文做過晒所有衫，加多啲閃片。」

而場內更加設LED大銀幕，方便不熟悉戲曲的朋友能加深了解。寶珠願意嘗試新工作，最怕和社會脫節，但唯一抗拒再拍電影。她直言：「自己雖然拍過好多電影，但依家做戲都唔會好生活化，所以好驚自己會追唔上。」

文：影視組

場地：香港富豪酒店