William獲為男士提供護膚服務的MSC睇中做代言人，前晚William一身黑色打扮出席記者會，即場播放最新的廣告片段，只見William赤裸上身大騷胸肌及背肌，惹來現場女士嘩鬼叫，William坦言近日愛上照鏡：「呢排因為拍戲要頻頻赤裸，成兩、三個禮拜冇衫着。」

被嘲塞襪裝假狗

William大方表示在片場僅穿三角內褲，面對眾多演員及工作人員，會否感尷尬？他說：「開心先係，搞到依家鍾意只係着底褲，係培養出嚟。」他自爆被經理人霍汶希取笑：「佢問我內褲入面係咪塞咗對襪，我答佢梗係冇做手腳啦，係真材實料，絕對有信心。」由於戲中對手有鍾欣桐及詩雅，問到與兩人拍攝親熱戲時何B仔有否反應？William笑說：「拍緊戲好難有反應。（陳柏宇唱歌都『動L』？）佢嘅喜好。」

拒回應翻撻Baby

另外，有傳他成功翻撻前女友Angelababy，William強調不想再回應有關傳聞：「大家一直係好朋友。（轉玩地下情？）唔鍾意地下情。」記者提議他大方公開戀情，William說：「我放晒所有時間落事業。」又埋怨Baby不夠細心。

採訪：音樂組