張智霖、謝天華、胡杏兒等昨日在將軍澳電視城為劇集《魚躍在冬季》進行開廠拜神儀式，除切燒豬儀式外，壽司老闆更運來部分藍鰭吞拿魚王「日本一」，由張智霖及謝天華即場炮製壽司。
在劇中飾演壽司師傅的張智霖表示，拍劇最大障礙是劏魚，他說：「因為我信佛，有場戲師傅劏咗條白鱔成個鐘都未死，覺得佢好似望住我咁，之後返屋企發噩夢。（外間反對捕殺藍鰭吞拿魚，可會試食？）我都支持地球生態，但劏咗唔好嘥嘛，就係咁矛盾。」
至於同劇演員交叉傳染病菌，張智霖說知道有人病，自言戒煙後百毒不侵，但若要拍咀戲就防不勝防，笑稱難道要戴口罩拍咀戲？而認同注意保育的謝天華則踢爆他切魚生都論盡到
傷手。
此外，因劏食吞拿魚關係，昨晚惹來環保團體到旺角行人專用區拉橫額抗議，期間更有着超人服飾的抗議人士，在現場呼籲市民為被劏殺的藍鰭吞拿魚默哀。