熊黛林和Jessica C.拋胸搶job各不相讓，電視圈亦有成功例子，高海寧憑34D「天然胸」擊退不少o靚模，成功上位，下周三（13日）23歲生日的她昨日出席無綫活動時，透露計劃到韓國會合友人滑雪慶祝，但未買機票未知能否成行。高海寧又大嘆生日也冇男士約：「冇人追呀，係外間以為多人追啫！」對於騷身材賺取豐厚收入，她直言不介意健康性感，去年收入不俗，希望新一年可以賺更多儲錢買樓。
同樣寄望新一年賺多點的師姐呂慧儀則笑言：「我拋『腳』㗎喎，性感要睇場合，如果工作上需要，隆重場合都要着得靚啲。」至於o靚模界代表鍾蕙芝（Lavina）揚言會繼續性感：「拋胸唔一定掂，都要睇拋得靚唔靚，我會視乎接咩job着合適嘅衫，總之要keep住自己賣點。」
