「警鐘胸」Jessica C.憑其甜美笑容與變幻莫測的「警鐘胸」，09年逼爆各大娛樂版，搶去不少錫身名模及大行性感的o靚模飯碗。踏入2010年，Jessica放完假火速回歸，為Wacoal拍攝全新內衣廣告，穿上火辣辣的紅色內衣跟大家say hello。

繼續紅到發紫

廣告中，Jessica穿上火紅色的開運內衣，寓意新一年繼續紅到發紫，Jessica面對鏡頭高舉雙手，擺出意態撩人的甫士，一對「警鐘胸」依然「堅定不移」，相當神奇！而另一款內衣則為白色吊帶小背心和淺粉紅色內褲，散發出另一種純潔美。踏入新一年Jessica C.再下一城，有多個代言如時裝及化妝品牌在斟洽中，而身價更是三級跳，今年還會進攻日本市場，實行港日兩邊搵真銀！

另邊廂同樣在聖誕新年休假的Lynn，昨日出席Loewe舉行的「Discover Loewe Nape」展覽，原本並非巨乳一族的Lynn上圍突然再度發育，身穿一襲超緊身吊帶裙的她，亦谷出一對「警鐘胸」，煞是震撼。

熊黛林上圍再發育變「E Cup Lynn」。

Lynn性感現身，吸引大批記者狂影。

細碼裙好澎湃

難怪連Lynn也笑言：「我都覺得好勁呀，呢條裙係細碼，着嘅時候要用多啲時間，我着時都覺得好緊，仲要打底。」記者嘲她上圍像「警鐘胸」？Lynn說：「我諗係因為條裙細咗啲，我好少有咁澎湃嘅效果！（想挑戰『警鐘』始祖Jessica C.？）唔係，唔需要挑戰，係條裙細先有Push Up效果。（係咪C Cup變E Cup？）正常B Cup就夠啦！」還說很滿意自己的均稱身材。記者笑問郭富城喜歡ABC哪個Cup？Lynn即害羞地說：「我唔好意思問，你哋自己去問佢啦！」

此外，Lynn表示聖誕及除夕都與朋友一起度過，對有否約會城城則大耍太極，至於城城聲言收到朱古力？她說：「我冇送朱古力畀人。（第二個女仔送畀佢？）唔係。」又承認與「朋友」交換了禮物，是日常用品；是否私人內衣褲？她笑着否認。

文：名人組