劇集《宮心計》早前熱爆全城，收視更造出最高五十點佳績，而前晚無綫高層梁乃鵬在中環設宴款待劇裏一班主要演員，出席者包括有佘詩曼、楊怡、陳豪、鄭嘉穎、李詩韻、關菊英、米雪、謝雪心等，期間他們均表示受《宮》劇帶挈吸金力大增，當中阿佘、嘉穎更大方透露短短時間已有七位數進帳，認真「豬籠入水」，而離港到加拿大進修三個月的李詩韻，透露離港期間接不到工作，眼白白損失六位數收入。

眾演員受《宮心計》帶挈勁賺七位數。	前晚無綫高層設宴慰勞一班演員。	楊怡未為自己置業，卻先幫愛犬換新屋。

嘉穎四出登台

阿佘剛剛在馬來西亞完成護膚品廣告拍攝返港，她說：「今年開始，已經可以過肥年。（農曆新年有冇外快？）到時要開劇，可能出唔到埠，嚟緊一年都會忙拍劇。（係咪想年尾攞獎？）唔關事，遇到好劇本，最緊要拍得開心。（點樣獎勵自己？）可以的話想換車，而買樓一路都想，不過冇時間物色。」而嘉穎透露新年除了接拍廣告外，亦會到美國、加拿大登台，認真豐收。

楊怡靠股置業

楊怡就表示近期多了不少工作，收入大增，她謂：「可以幫我隻狗仔換屋。（你幾時置業？）投資呢個係我目標，睇下可唔可以喺股壇佔一席位。」至於，李詩韻因表示早前身在加拿大，所以推掉不少工作，她說：「喺加拿大知道損失六位數，都有少少心痛，不過畢到業係無價，都算值得，媽咪好開心。」

文：影視組