志雲、祥仔、謝雪心、張智霖及胡杏兒等人，前晚偕一眾應屆港姐出席無綫《奧海城全城狂歡邁向2010》活動，其中三料視帝祥仔打頭陣演出，與志雲上演一幕濃縮版「志雲飯局」。當志雲公開問祥仔是否在拍攝《巾幗梟雄》時愛上雯女？祥仔笑言事實跟傳聞相反，指是對方先愛上他，志雲就「打蛇隨棍上」問雯女如何示愛？祥仔就笑言：「雜誌示愛，啲嘢全部雜誌講。」其後祥仔直言事前未有跟志雲夾稿：「都係以事論事啫，緋聞要嚟講吓笑，講嘅又開心，觀眾又開心。」

鄧萃雯	薛家燕與信和集團高層傅俊康（左起）、鄺麗明、葉慕蓮、蘇蔡潔蓮及陳少華（右四）迎接2010年。	胡杏兒以透視大露背裝現身，艷壓全場。
張智霖跟一班小女孩在台上演出。

請四大去勁歌

至於首次參與倒數活動的志雲表現興奮，對於有線被新城發「禁播令」，他表示對事件略有所聞，問無綫有否向新城施壓？他謂：「新城有將片段發畀傳媒作新聞用，但唔可以做節目，製作權同轉播權都係TVB。（同四大唱片關係差？）關係冇問題，唔係敵人，大家是商業夥伴，但有些條件仲要斟酌。（勁歌總選會唔會請四大唱片歌手出席？）無綫歡迎佢哋。」

文：影視組