前晚，蔡卓妍（阿Sa）、bma女新人王余翠芝（Chita）、秦沛兒子姜文杰及女兒姜麗文等為《勁歌金曲》錄影，阿Sa透露剛從台灣工作回港，於當地逗留四日三夜拍攝ＭＶ及唱片封套，不過就因天氣寒冷而病倒。
台灣凍病急返港
阿Sa表示：「台灣天氣好凍，因為要配合新歌意境，畀把大風扇係咁吹，又連續拍咗廿幾個鐘，所以病咗，依家感冒同頭痛。（有冇人呵番？）冇呀！一落機就趕嚟錄《勁歌》喇！」而Chita接受訪問時自爆在後台險些跣腳碌落樓梯，幸有阿Sa扶住，她說：「好彩有阿Sa捉住我，我都驚扯埋佢落去。」問Chita可擔心在頒獎禮時出意外？她笑說：「都驚㗎，因為自己平日好少着高踭鞋。」
秦沛兒女闖歌壇
至於好戲之人秦沛的兒子姜文杰及女兒姜麗文同樣充滿藝術細胞，但二人未有繼承「父業」，反而加入樂壇，他們接受訪問時說：「做歌手一向係我哋嘅夢想，依家未有唱片公司，我哋做咗三首歌會自己出碟同埋放喺網上，希望同大家分享。」
採訪：影視組