o靚模鍾蕙芝（Lavina）和胡心諾（Rainbow）昨日以嘉賓身份出席2009風雲人物大選活動，Lavina不厭其煩騷波罅搶鏡，當宣布o靚模獲「風雲團體」第一位時，兩人並代表領獎，表現十分風騷。
問Lavina驚唔驚o靚模於2010年會被out？她自誇說：「冇乜所謂，我哋唔係新人，依家我哋有唔同發展，會拍戲、唱歌同做司儀。（你拍戲會唔會封胸？）我唔會為表現才能遮掩外表，唔會蒙住臉出來，會騷番自己嘅優點。（唔性感冇人注意？）我揀衫會騷自己優點，性感唔係貶詞，總之我唔係暴露。」而Rainbow揚言明年會進軍樂壇做歌手，問她怕唔怕唱現場走音？Rainbow大口氣說：「唔怕，我有練氣練聲。」
