31/12/2009

播放本新聞相關短片

祖兒影日曆敍舊唔願走

本文重點
明日便踏入2010年,英皇不惜工本特別炮製全球限量的《群星慶虎年日曆》,由老闆楊受成下達十二面金牌,召齊旗下藝人到其大宅拍攝,祖兒笑言難得一班老友聚首一堂,更玩到唔捨得走。

英皇一聲令下,容祖兒、謝霆鋒、古巨基、孫楠、Twins、張家輝、陳偉霆、黃耀明、林峯、鍾舒漫、韓星李準基、黃聖依等三十六個歌手藝人,早前一齊暫且放下繁重工作,齊集老闆楊生位於淺水灣的大宅拍攝《英皇娛樂十週年 群星慶虎年日曆》。

悉心打扮的祖兒形容當日可以寓工作於娛樂感到很興奮,她笑說:「好開心,未試過全公司咁齊人聚埋一齊。」祖兒自爆大家未埋位拍攝,就不停在玩、講笑搞爛gag,她笑說:「最可惜嗰日拍完我就要趕飛機,幾唔捨得走。」

Steven坐爛枱闖禍

拍攝當日張致恒(Steven)竟斗膽坐爛老闆張名貴玻璃枱,他幾乎嚇破膽,他說:「我自己烏龍,以為係張櫈,一坐低就應聲裂開,成地玻璃碎,大家都嚇到傻,咁啱楊生突然殺到,William(陳偉霆)即時篤我出來,點知老闆冇怪我,反而叫William賠,笑死大家。」William扁嘴說:「我知老闆同我講笑啫。」

日曆以懷舊鐵板掛曆方式製作,成本昂貴,全球僅限量一千套,據知內部認購已經超額,英皇更特別抽出一百套,於二月舉行的《群星賀虎大碟》的簽名會內發售。

文:音樂組