聖誕節剛過去，郭富城昨日開工到海港城為慈善珍藏版肖像郵票舉行簽名會，問到如何慶祝聖誕節？城城說：「同朋友食飯，好普通。（打邊爐？）唔係，食意大利餐，有十幾個朋友。（有冇熊黛林（Lynn）份？）私人嘢唔回應。」
露破綻即刻封嘴
雖然城城守口如瓶，但無意中卻自露破綻，事關問他有冇交換禮物時？城城口快快說：「有，我收到朱古力。」記者謂早前熊黛林被本報影到買朱古力，他即扮傻說：「唔知喎，唔係佢送。」但問城城送了甚麼禮物給朋友？他卻堅持不肯透露。
籌逾三百萬善款
至於除夕，城城謂將在上海做倒數：「今年冇得慶祝。（咁咪冇朋友陪？）相信身邊朋友自己有節目。」而新年願望就是拍好戲及寄望2011年做音樂劇，問愛情呢？城城說：「隨緣。（你都有啦？）我一直好隨緣。」
此外，在《殺人犯》扮城城兒子的童星譚真一昨日亦到場支持，大會並宣布城城已籌到逾300萬善款捐聯合國兒童基金。
採訪：音樂組