向來愛美的台灣女星大S（徐熙媛）曾親著多本教美容護膚的扮靚天書，更被譽為台灣美容女王。原來大S也有一段懶護膚的日子，笑言幾經磨練才略有心得，她力言護膚是一世的職責，尤其補水一環更不可缺，笑言寧願銀包乾塘，也不要肌膚乾涸缺水，「唔畀皮膚飲飽水，個妝化到幾靚都無用！」
大S向來對護膚品均採取一試無妨的態度，認為不論平貴也會找到「好嘢」，今次她擔任瑞士護膚品牌Suisse Programme代言人，原來並非為賺錢而做代言人那麼簡單，大S說用過品牌的再生修護面膜，一試難忘！「因為含有大量膠原蛋白，又不含化學成分，所以敷時唔會刺痛或敏感，一塊面膜有咁豐富精華，敷完臉仲可以敷埋頸。」
敷Mask好重要
大S說多忙也好，敷Mask是必要的一環，因為她相信為肌膚補水、時刻有潤澤感覺才是最完美的肌膚。「尤其我成日要拍戲化妝同埋搭飛機，對皮膚傷害性好大，再加上氣候變化，一定要畀肌膚飲飽水！」
眼睛出賣年齡
雖然身為美容女王，但大S卻說也是入行後，才慢慢學習護膚，「初入行時咩都唔識，落妝會好大力用毛巾擦，又唔識用化妝水拍面，之後皮膚出現問題，先發現原來自己係傷害皮膚嘅兇手！」
大S更言眼睛真的能出賣自己的年齡，所以眼部護膚不可忽視。「以前我會有黑眼圈、出現幼紋，甚至會眼部浮腫好無精神，我研究過除咗要眼部皮膚同樣飲飽水外，增加氧分都係好緊要！」
美容女王推介
「智能活水系列」含有三種配方：智能活水系統、活肌水凝複合物及香薰精華，從外至內24小時發揮補濕功效，其中「智能活水精華」就是大S極力推介：「智能活水精華能提升肌膚的吸收力，顯著撫平幼紋，即時回復肌膚柔軟。早晚用幾滴，好方便。好明顯係好易上妝！尤其係缺水肌膚就啱用！」
大S說品牌的激活緊緻眼部精華液，有效活化眼部肌膚細胞、促進新陳代謝，以及增加氧分能源，收緊眼部輪廓，全面改善黑眼圈、浮腫、幼紋及乾紋等問題。
文：名人組