汪明荃（阿姐）、羅家英昨日到奧海城出席粵劇《德齡與慈禧》宣傳活動，剛返港的家英哥透露聖誕節到銀川登台，並買了銀川枸杞子予阿姐作聖誕禮物，更穿上阿姐買的冷衫晒恩愛。他笑言：「件冷衫係醒神啲，（第一個聖誕節就分開？）都慣，所以元旦唔接工作陪阿姐，可能去食餐飯、行街、倒數。」
雖然阿姐似對家英哥的元旦節目構思不感興趣，但仍甜絲絲說：「我想喺屋企休息。（佢唔接工作陪你？）我夠唔接咯，就嚟演出粵劇，想休息充吓電。（婚後過聖誕感覺有冇唔同？）唔會唔同，佢成日都周圍走，但成日都會用SMS同視像傾偈。佢次次打嚟都好夜，所以我成日都係着住件睡衣。」
