另外，她透露已入紙申請明年在紅館開騷，她說：「唔知得唔得，不過會練定絕招先。（聖誕檔？）我好恨，因為平日都係宅女，要工作先見到咁多人，吸下人氣好呀，我好Dry。（Dry到似沙漠？）係山火紅色警報，任何人埋嚟一擦即着！（急住着火？）唔會啦，都畀雨淋熄晒，寄望2010年啦，係個重要關口！」好友陳奕迅因受版稅糾紛令他有可能失落勁歌總選的獎項，問她對方有否向她訴苦？祖兒說：「佢個演唱會未開售就賣晒，有咩要擔心？一定解決到嘅。」