○九年o靚模玩轉娛樂圈，「八模兵團」、Rainbow及Lavina等紛紛由o靚模轉型成為多元化藝人，更頻頻獲邀出席商場活動，曝光率大增之餘更成功吸金。近日十一人新進女子組合Jelly Girls加入戰團，並打正旗號賣健康性感，她們首次出席公開場合已經以火辣辣Bikini示人，十分惹火。

曾任跳舞老師的To To舞功了得，衣着打扮在眾女中最為性感。

Crystal表示眾成員之間甚少是非。

冇爭上位

Jelly Girls當中五位成員Crystal（金俊婷）、Chichi（林泳芝）、To To（陶苑瑩）、Sally（歐雪瑩）及Uny（趙哲妤）各走不同路線，問她們會否因組合太多女仔而爭上位時，主力賣口才的Crystal說：「唔會，我哋最多係嘈啲，但係又冇話咩不和，可能我哋有好多之前做model嗰時已經識落，所以都冇咩是非。」

而「舞」功了得的To To就補充說：「我哋咁多個都各有所長，所以唔會話咩爭上位囉！」問到她們未來發展路線時，曾被師姐雷凱欣和吳家欣（Tanya）睇好的Uny表示：「我哋將會錄音出碟同拍寫真，仲有我哋會拍網絡遊戲節目，依家有幾集已經有得睇！」

文：專案組