主持過無綫不少節目的何基佑，近年過着獨居生活，能夠擁有自己的天地，當然將喜歡的東西放在家中，基佑表示：「我客廳上面有一個櫃，裏面裝滿我收藏嘅物品，有模型、地鐵票咁，其中有一隻古董熊係我特登喺網上投番嚟，係一九七三年出產嘅，好特別我好鍾意！」
基佑揚言他的收藏品會陸續增加，因他把原本放在加拿大的收藏品，亦正寄回香港，到時客廳定會變成一個小型收藏館！
除了客廳有不少基佑至愛珍藏外，睡房還有一隻小貓公仔，一個大男孩何解會放隻公仔在床上？基佑表示：「呢隻公仔係朋友送畀我嘅，因為佢知我好鍾意貓，所以送畀我，我覺得個公仔好得意，一隻貓下面有幾隻小貓，咪放喺床上面陪我瞓。」
基佑指自己很喜歡簡單的設計，所以他的家都以簡約布置為主，屋內的燈光則用黃燈，讓屋企有一種和暖感。