李曼筠（動漫Maggie）與沈卓盈昨日在觀塘apm出席聖誕活動，向來身材有睇頭的動漫Maggie以銀白色tube dress上陣，卻不敵身穿低胸吊帶裙的沈卓盈，兩女更同時大騷長腿，大鬥性感。大會及後安排兩女跟雜耍人學玩雜耍，動漫Maggie玩呼拉圈，沈卓盈則以兩臂傳球，兩女表現雖不過不失，但沈卓盈期間失手跌球，卻因怕胸前春光乍洩而不敢俯身執波，令情況有點尷尬。

沈卓盈學玩波，動漫Maggie則玩呼拉圈。	放大圖片	沈卓盈大騷長腿，幸仍記得手掩裙襬防走光。

頻遭電話騷擾

事後，動漫Maggie被問到有否覺得風頭被沈卓盈搶去？她說：「我都tube dress啦，啲衫係大會安排嘅。」她之後談到早前在超市買洗衣粉要送貨，故留下聯絡電話，近日卻飽受電話騷擾，她無奈地說：「不斷有SMS同電話騷擾，話想約我食飯。（擔唔擔心被上門滋擾？）我諗冇嘢啩？如果上門我會去警署備案。」

大會安排服裝

至於沈卓盈則坦言服裝是大會安排，並非突然作性感打扮，談到崔建邦涉毆打女友鄺敏慧，沈卓盈說：「男人打女人一定唔啱，係大忌，接受唔到男人打女人。（有冇遇過呢啲男人？）好彩冇，如果打我會即刻走。」動漫Maggie亦表示：「無論男女打人都唔好，傷人之餘仲傷害到自己。（崔建邦花弗？）唔覺，佢唔係咁嘅男人。」

採訪：影視組