李彩華09年大部分時間主攻內地拍劇，打開內地市場搵真銀。她直言家庭負擔很大，希望珍惜每一個工作機會。聖誕佳節最想與家人共度，奈何要到內地工作，希望家人體諒。
李彩華主力打開大中華市場，09年差不多有六個月時間在內地拍劇，相對甚少在港露面。她認為每一個工作機會都應該珍惜，雖然很想抽多點時間與家人見面，但人在圈中身不由己，她說：「人哋欣賞你先會搵你工作，如果你放棄機會，可能之後嘅工作都會損失埋。」
表面似風光
她又承認內地拍劇可以提高知名度，同時亦會增加登台和剪綵嘅機會，變相增加收入。問到09年是否大豐收的一年，她說：「其實都係表面風光，我有好多負擔同開支，大家唔知道啫。」李彩華是圈中出名的孝順女，除了經濟上支持家人外，亦希望能夠抽多點時間陪家人。
擬內地置業
聖誕節李彩華希望與家人共度，可惜今年亦要到上海拍攝劇集《杜拉拉升職記》，將在當地逗留個多月時間，她說：「陪唔到佢哋過聖誕，希望佢哋明白我處境啦，遲啲返嚟再同佢哋補祝，買份大禮送畀佢哋。」經常穿梭香港和內地工作，問有否考慮在內地置業？她說：「有考慮過，亦有地產經紀聯絡我，但始終人生路不熟，又唔係好清楚當地嘅地產市道，都要了解吓先。」
文：影視組
場地：金鐘太古廣場