o靚模鍾蕙芝（Lavina）和胡心諾（Rainbow）榮升師姐，為一班師妹game模特訓打泰拳，三位game模分別是34F YoYo、「翻版鍾舒漫」CiCi和「翻版大S」Cherry，現場所見Lavina對34F YoYo拳拳到肉，兩人大戰一觸即發。
身材驕人的Lavina近日頻頻夥拍Rainbow硬銷其性感藝術寢室用品，一向滿意自己身材的Lavina，最近面對勁敵。早前她為PlayStation game模到銅鑼灣Swish Club特訓打泰拳，與有34F性感女神之稱的伍淑怡（YoYo）正面交鋒。穿小背心和短褲的YoYo到場後，即俯身做熱身，導彈身材呼之欲出，比Lavina更勝一籌。未知是否勁敵當前，Lavina對YoYo非常冷淡，毫無交流，相反與Rainbow則密密傾。
對CiCi出手輕
其後，教練安排Lavina與YoYo對打，未知Lavina是否太心急關係，未等教練叫開始，已即時向YoYo揮拳，而且拳拳到肉，YoYo一時間毫無招架能力，一味用雙手遮面，以保靚樣，教練見勢色不對，即時叫停，YoYo狼狽下台，嚇到花容失色。但其實Lavina並非對所有「師妹」也如此重手，其後她與CiCi對打時，明顯出手輕得多。
而另邊廂的Rainbow，就與「翻版大S」Cherry對打，由於兩女身材相若，對打氣氛輕鬆得多。
否認針對YoYo
不過Lavina事後否認針對YoYo，笑說：「我同Rainbow見就快比賽，咪同佢哋去輕鬆吓，順便當做運動keep fit，YoYo之前都玩過泰拳，所以大力啲都唔怕，佢應付得到！」
文：名人組