近幾個月「警鐘模」Jessica C.的人氣比天王巨星還要強勁，打開報紙盡是她的芳蹤；後生女深明賺錢艱難，名氣急升也不及袋袋平安開心：「錢係搵唔晒，我唔需要搵好多錢，希望夠屋企人用，自己又可以有錢讀番書就心滿意足！呢個月真係好忙，但忙得好開心，覺得自己好幸運，因為出名唔係必然，多謝客戶同傳媒愛戴，雖然曾經寫過我負面報道（假胸），又成日畀人追訪，或者呢啲就係紅嘅代價，其實我都唔覺得自己紅，總之我覺得香港係我嘅lucky place，我好愛呢度！」

Jessica帶男友回芝加哥見家長。	Jessica今個聖誕節特別甜蜜和有意義。	童心未泯的Jessica仍相信有聖誕老人。

開P吃喝玩樂

Jessica與拍拖兩年的男友Sergio返老家芝加哥過聖誕，提起Sergio她像個得到糖果的小女孩：「今年聖誕好特別，Sergio第一次見我屋企人，不過佢仲緊張過我。我嘅夢想聖誕係外面落住雪，我同最愛喺屋入面開派對，我負責下廚，大家吃喝玩樂，就已經好滿足！依家我喺外面工作，唔係咁多時間見家人，所以我會好好珍惜！」

信有聖誕老人

Jessica笑說自己像個長不大的孩子，總相信聖誕老人的傳說：「細個每逢聖誕節我就擺隻襪喺床邊，等聖誕老人放禮物畀我，後來媽咪同我講聖誕禮物唔係聖誕老人送，而係佢買嘅，雖然係咁，但我仍然相信世界上係有聖誕老人存在，我覺得有夢想嘅人會比較幸福！」