無綫高級經理綜藝及音樂科陳家揚昨午以召集人身份，call齊港台十大中文金曲頒獎典禮大會總監馮偉棠、商台助理總經理甘菁菁及港台十大中文金曲製作總監周國豐現身港台開會，卻獨欠新城電台知訊台台長朱明銳。陳家揚表示雖然各台有各自的頒獎機制，但支持傳媒大獎並將照頒，他又稱：「無綫重新聲明，若四大公司嘅歌手有獎，會照頒個獎畀佢哋，但因版權問題唔會畀佢哋表演，（無綫《勁歌》賽果點計？）由觀眾、大會評審及音統會三個單位一齊去投！」陳家揚又言會將開會結果知會新城電台：「佢哋有事嚟唔到，但知我哋今次開會嘅目的。」