崔建邦（Amigo）疑因不忿緋聞女友「中巴」鄺敏慧提出分手涉嫌打女人，事件爆出後，娛樂圈中人議論紛紛！
陳偉霆與崔建邦分屬老友，他說：「打過電話畀Amigo，但係搵唔到佢，好擔心。佢平日無論對男女都係好細心，係一個nice guy，因為唔清楚件事，唔方便評論。（崔建邦被停工。）都係好事，可以畀啲時間佢冷靜吓，等佢諗吓點樣面對件事。」
馬國明與崔建邦同屬一間美容公司的代言人，他說：「Amigo應該唔會打人，成件事都未知係點，希望大事化小，希望佢冇事，唔會受到事件困擾。」
關心妍則說：「我所識嘅Amigo好nice，好關心朋友，上次我攞錯獎，佢係第一個打畀我安慰我，同埋幫我打圓場，希望佢冇嘢啦，可能係小誤會。（男人打女人唔啱？）邊個打邊個都唔啱，一對情侶有好多嘢嘅，唔係當事人唔會知。」