原定由Amigo主持的《勁歌金曲》，昨晚由胡蓓蔚頂替他擔任主持一職，對於拍檔捲入涉嫌打人事件，胡蓓蔚指事件已交由警方處理，現階段不便多作回應，Amigo被指打女友，她亦以私人感情事為由拒絕回應，並劃清界線說跟他只是飲食朋友：「佢冇乜喺我面前提佢啲私事，個女仔我都冇見過、冇聽佢提過，希望件事盡快平息，呢個時候都費事打電話畀佢。」對Amigo一腳踏兩船的看法，她即為Amigo講好話：「雖然我大過佢，佢都好照顧我，佢嘅私人感情我唔想介入。」對《勁歌》主持人選日後的安排，胡蓓蔚說只知道昨晚的臨時安排，而節目監製麥鎮東亦只肯簡短回應，指暫時由胡蓓蔚做。
而昨晚有份錄影的泳兒及容祖兒，異口同聲說覺得Amigo為人很nice，不過泳兒直認對事件感愕然：「冇諗到會有啲咁嘅事，大家都唔知件事嘅實情，希望佢可以出嚟交代。」江若琳則說私下與Amigo沒有聯絡，並說做男人不應一時衝動郁手。