有消息指，崔建邦昨凌晨懷疑在長沙灣警署扣查，但記者在警署門外守候，整晚未見他出現。約凌晨三時十五分，記者發現一名疑似律師的「煲呔」男子與另一男子離開長沙灣警署。

懷疑是崔建邦的律師辦理完崔之保釋後，凌晨離開長沙灣警署。 （梁國雄攝）	放大圖片	崔建邦昨日未有在寓所出現，其座駕（箭嘴示）亦泊在停車場。

無綫高層力撐愛將

另方面，昨日無綫高層陳志雲、樂易玲及何麗全對此事作出回應，陳志雲表示藝員部已向Amigo了解情況，現時事件交由警方處理，故不方便作出評論，他說：「暫時會停咗佢嘅工作，未知到幾時。（佢係你愛將會否感心痛？）未了解件事真相，唔知點形容。（失望？）對與錯都好，人生都有難關要過，就算做錯，只要回頭都可以支持，佢有冇做錯唔知。」

放大圖片	樂易玲	崔建邦是陳志雲的愛將，他力撐愛將只要回頭可予支持。 （資料圖片）

陳志雲說曾跟Amigo通電話，他因帶給公司麻煩感到歉意及虧欠公司而感沮喪，陳志雲則勸他要面對事件，問有否叫Amigo戒女色？陳志雲說：「年輕男女拍拖好正常，只不過藝人感情較容易被關注，一向都覺得藝員拍拖冇問題。」

樂易玲亦已聯絡過Amigo，知道他前晚在律師陪同下到警署，要事件明朗化他才會出來作交代，談到Amigo的情緒如何？樂小姐說：「都OK，當然好唔開心、好突然，佢話佢冇郁手打人，但詳細唔方便講，件事影響公司佢話感到歉意，但我覺得唔需要，因為最大影響係佢自己，佢都話若有影響，願意接受任何處罰。（會否解約？）都要等成件事明朗啲先知，佢平時做嘢用心，希望大事化小。」

商場正斟二月出騷

至於聖誕及新年接的工作，樂易玲表示要視乎客戶想法。奧海城方面證實正斟洽Amigo二月出騷，並表示搵藝人工作只着重對方才華而不會留意其私生活，所以雙方會繼續傾談，不會因毆打事件而有所改變。而Amigo經理人說原本他申請了聖誕放假，故沒有影響，新年工作則未落實。

此外，製作部總監（非戲劇製作）何麗全表示Amigo的工作將全面叫停，包括《勁歌金曲》、《東張西望》，之後原本由Amigo主持的《十大勁歌金曲總選》及《娛樂十大奇案》則會考慮換主持：「最大影響反而係《MY NAME IS邦》，因為以佢個名取名，原本今日嘅錄影都取消咗，呢個節目做到明年，存貨去到一月中，要睇情況先知點，如果警方調查完冇問題會繼續做。（係咪禁止Amigo出鏡？）唔係，係想佢處理咗私事同休息吓先。（會否畀佢上節目剖白？）唔會，我哋唔鍾意大作文章。」

記者在fans為崔建邦而設的討論區上，發現於昨午一時卅分以「I'm ok」為題留言給fans，雖然疑似崔建邦只是寫：「I'm ok，Don't worry！」但不少fans向他表示支持。

採訪：梁國雄／曾昭安