崔建邦在圈中可謂人緣甚佳，但發生涉嫌動手打女友鄺敏慧事件，不少女藝人均「幫理不幫親」，直斥「男人打女人」不對。
施念慈：「睇報紙先知，未清楚件事真定假，（崔建邦涉嫌打人？）唔理係男定女，總之打人就唔啱，咩事都有解決方法，唔可以動武。我同鄺敏慧合作過，覺得佢係一個好可愛同好nice嘅女仔。」
羽翹：「係呀？好驚呀，不過佢份人好Nice，好似日前上《勁歌》咁，見我係新人唔講嘢佢都出口幫忙。」但她都認為男人打女人不對，男人要有風度，就算幾嬲都不能動手。
徐子珊：「如果件事係真，係好恐怖，因為打女仔真係好唔應該。」但子珊認為現只有女方單方面說話，在成件事未清楚前不便講太多，電視都有教人家庭暴力不應該呢。
薛凱琪：「唔好話男人打女人，情侶打交都唔應該。」Fiona坦言不接受男打女，兩個人一齊應愛錫對方。不過，以她認識的Amigo不覺得他有暴力傾向，所以事件令她很愕然。