忙於為即將舉行的樂壇頒獎禮造勢的子珊，擔心大家忘記其歌手身份：「始終由演員轉做歌手，觀眾未必易接受，呢個關口都幾難過，仲係過程當中，希望歌手形象逐步鮮明，排舞老師又幫我，《Hit Me》又排咗招牌動作，加深大家對我嘅印象同記得吓我啲歌。」

徐子珊知道自己唱歌表演不穩，會將勤補拙。

徐子珊對新人獎不敢抱太大期望。

好冇安全感

子珊有份角逐本年度新人獎，被視為大熱人選，她反應很大的說：「我唔覺得係，我好冇安全感。」她說今年新人個個都功力深厚，出席新人巡禮時好大壓力，成班人好似選港姐，個個都唱得又跳得！子珊深怕期望愈大、失望愈大，寧願打定輸數。

會將勤補拙

仍是新人的子珊自知唱live表演不穩，曾經失誤，可能令人對她失信心：「人始終係人，唔係機器，但呢啲失誤唔可以做藉口，人哋亦唔會體諒你，既然知道自己咁，就要將勤補拙，因為歌迷、觀眾對自己要求會愈來愈高。」她學懂從錯誤中學習，絕對不會輕易動搖自信心：「我會執番起自己。」

在電影金像獎中曾奪「最佳新演員」的她，自信心明顯不足，她承認在演戲方面仍很green，即使演戲信心比唱歌大，始終只做了幾年，演技還需磨練十年八載！

文：音樂組

攝影：沈健程

Hair：Deil Siu@hair

服裝：French connection

場地：奧海城