原籍廣東省寶安縣香江市的Rannes，是名副其實的香港人，皆因香江市即是今天的香港，Rannes對「香港」這名字情有獨鍾，曾細心研究當中由來，她說：「其實有幾個解釋！最普遍講法係話香港以前係運香同販賣香嘅港口。」Rannes笑言未來找老公亦會以「香港人」為首選：「咁第日出嚟嗰個都係『香港人』嘛，細個仲有諗過改BB個名叫『香港』，諗起都好好笑！」

文恩澄親身感受浩瀚的氣勢。	早前遊覽媽咪鄉下的恩澄大開眼界。	文恩澄愛揹背囊四處體驗。

新界有祖屋

Rannes說每次朋友問及其鄉下在哪裏時總會鬧出笑話：「佢哋問我咩鄉下，我咪答香港囉，佢哋都會以為我誤會咗問我邊度出世，惟有又解釋一次香港即係寶安囉，都唔知解釋過幾多次。」從小在「鄉下」長大的Rannes表示，曾聽說文氏於新界有祖屋，子子孫孫更有地分，難道Rannes是大地主？她即哈哈大笑說：「真係唔知，可能有喎，但唔係通常男仔先有得分咩？返去真係要叫阿哥做吓資料搜集。」

北上似尋根

此外，由於工作關係，Rannes早前有機會到媽媽的家鄉遊覽一番，她說：「初初淨係知媽咪係『鶴佬人』，大個先知鶴佬人分布喺唔同地方，有好多依家住喺台灣，媽咪應該係汕頭、汕尾嗰邊。」Rannes又表示雖然媽咪家鄉沒有親戚更莫說祖屋，但在探秘過程中，就猶如尋根一樣大有得着，她表示：「去之前做咗好多功課，但睇相、文字始終唔及親眼睇到，雖然冇親戚喺度，但都有一份莫名嘅親切感！」

文：音樂組